Biz kimik?
iTəhsil – təhsil ilə bağlı bütün mümkün resursları vahid və əlçatan platformada birləşdirən innovativ onlayn layihədir. Məqsədimiz, hər kəs üçün təhsil prosesini asanlaşdırmaq və mümkün təhsil resurslarına sərbəst çıxışı təmin etməkdir. Hal-hazırda layihəmiz inkişafın ilkin mərhələsindədir və təhsilə olan yanaşmanı texnologiya vasitəsilə daha əlçatan və effektiv etmək üzərində çalışırıq.
İxtisas Seçimi Dəstəyi
Platformamızın əsas xüsusiyyətlərindən biri ixtisas seçimində dəstək verməkdir. iTəhsil Azərbaycan kollec və universitetlərinə ixtisas seçimi zamanı sizlərə düzgün qərar verməkdə kömək edən unikal, onlayn sistem təqdim edir. Son 6 ilin qəbul nəticələri, rəsmi statistikalar və digər vacib məlumatları təhlil edən xüsusi data modelimiz topladığınız bala əsaslanaraq, arzuladığınız ixtisasa qəbul olunma ehtimalınızı yüksək dəqiqliklə proqnozlaşdırır.
Bununla yanaşı, iTəhsil platformasında təhsillə bağlı ən son xəbərlər, bloqlar, ekspert məqalələri və mövzuyla bağlı maraqlı podcastlar mütəmadi olaraq paylaşılır. Bu resurslar sizlərə təhsil sahəsində aktual məlumatları izləmək, inkişaf trendlərini yaxından tanımaq imkanı verir.
Gələcək Planlarımız və Genişlənmə
Gələcək mərhələlərdə platformamızın funksionallıqları daha da genişləndiriləcəkdir. iTəhsil komandası olaraq universitetlərdə tədris olunan hər bir ixtisasın fənləri haqqında ətraflı və strukturlaşdırılmış məlumatları təqdim etməyi planlaşırıq. Bu fəaliyyətimiz sizlərə seçdiyiniz ixtisasın dərs proqramını, tədris metodlarını və ixtisasın peşəkar perspektivlərini daha yaxından izləyəmə kömək edəcək.
Bundan əlavə, ixtisas seçimi zamanı mentor dəstəyi xidməti istifadəyə veriləcək; bu xidmət təhsil prosesində peşəkar məsləhət və istiqamət təmin edəcək. Platformada həmçinin şagirdlər və müəllimlər üçün sınaq imtahanları təşkil olunacaq ki, bu da real imtahanlara hazırlıq baxımından faydalı olacaq. İrəlidə iTəhsil vakansiyalar, təcrübə proqramları və təhsil sahəsinə aid müxtəlif elanların paylaşılmasını da planlaşdırır. Platformada müasir tələblərə cavab verən rahat və funksional CV hazırlama aləti təqdim olunacaq ki, bu da tələbələrin və gənclərin karyera yolunda ilk addımlarını atmasına xidmət göstərəcək. Bütün bu yeniliklər iTəhsil-in məqsədini – təhsili hər kəs üçün daha əlçatan, faydalı və effektiv etmək ideyasını gücləndirəcək.